Transcription
1
Note :
2
3
Monseigneur, jay par monsieur le cappitaine La Meaulce, receu votre lettre du IX de ce mois.
4
Il passa par Nysmes où il vit monsieur de St Romain, lequel il laissa comme il
5
m’a dict bien disposé pour entendre à la conference et par le moyen dicelle à la paix. Et,
6
estant arrivé icy vendredy dernier et ny ayant trouvé monseigneur le marechal, lequel
7
estoit allé veoir les fortz qu’il a establis ès environs de Florensac, passa oultre
8
hier matin et est retourné ce jourdhuy après disner portant lettre audit sieur de St
9
Romain, de la substance que verrés par le contenu de celle que mondit seigneur le marechal vous
10
escrit, laquelle je n’ay voulu faillir accompaigner de la presente à laquelle je mettray
11
fin par mes bien humbles recommandations à votre bonne grace, priant le Createur
12
vous donner,
13
monseigneur, en santé, longue et bonne vie. De Montpellier, ce XIIII jour
14
de fevrier 1574.
15
Vostre à jamais plus fidelle et plus affectionné
16
serviteur Truchon
17
18
[brouillon de réponse de M. de Gordes]
19
Monsieur, jey receu votre du XIIIIe et par icele veu le retour de monsieur le mareschal
20
des fortz qui sont aux envyrons de Florenssac et me remetez à ce quil mescrit
21
qui nest que la prolonguation quil a accordée jusques à la fin de ce moys pour les
22
diocèzes d’Uzès et de Nismes. Je ne scay de la quele est le Pouzin, mays ilz
23viennent courre tous les jours [barré : p ] deça le Rosne et depuis deuxs jours lennemy
24
a surprins par la mechancetté daucuns catholiques les lieux de Ruynac et
25
de Alex, et saysy le chasteau du Puy Saynt Martin, de sorte que il nest à ceste
26
heure nouveles davoyr nouvelles de la hault, ny moings dy envoyer que
27
avec toutes les difficultés du monde. Je vous envoye ung paquet de monsieur de
28
Hautefort. Je me recommande humblement etc… Du Montelymar, le XXVe fevrier 1574.